زواج العرابجة هههه<<لا تفوتكم ^ــ^

عرس عربجي على عربجيه(دحيم وحصيصه)لاتفوتكم ابقول لكم وش صار في ليلة عرس دحيم

المواصفات:الاسم/دحيم الدلخ <<ددلخ صج

العمر/منولد في سنة الفطره

الشكل/قزم ودب واقرع ووجهه كله خدود ومافيه عيون باختصار يحوم الكبد

الولد دحيم داشر24ساعه مشاكل وتفحيط وخرابيط

المهم ابوه قررانه يزوجه يمكن يعقل الولد!!!!

ويقوم يخطب له ابوه بنت عمه حصه!!!

عاد حصه خبله مثله

المهم يوم جا العرس ولا دحيم طالع مع اخوياه للثمامه يطعسون

وابوه يدق عليه

الاب:الووو دحيم وينك؟

دحيم:هلا والله طالع مع الشباب للثمامه!!!

الاب:جعل تطلع روحك يالله تعال اليوم عرسك

دحيم:طيب العرس في الليل يمديني ارجع المغرب

الاب:اقول امش جعل يمشي العصا في ظهرك

دحيم:طيب خلاص جاي ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه

المهم ويمسكونه اخوانه ويلبسونه ويودونه القصر!!!!!دحيم الا الحين مايدري وش السالفه يبي

يخلص بسرعه عشان يلحق على العيال في الاستراحه يلعب بلوت

ويدخلونه القصر ويجلسونه في المنصه وهو يقول ابي اروح اجلس عند القهوجي ابي اتكي واشرب

شاهي ((والله منسم مرررره))

ويلقطه اخوه ويجلسه على الكرسي

ويجونه الناس يسلمون

المعازيم:مبروك منك المال ومنها العيال

دحيم هلا ايه طيب يكون خير

والله ماعندي ولا ريال

(قلت لكم ماهو وجه زواج)

المهم ويدخلونه على الحريم يوم دخل(وهو اللي يفتح كشرته ابتسامه عريضه ويناظر في ذا
البنيات

المهم يوم طقوا الطقاقات الا وهو يطمر ويرقص ويسحبه ابوه ويقول اركد لاتفشلنا!!!!

المهم ويجلسه على الكرسي وتجي وحده ترقص عنده وهو اللي يضحك عليها ويقول ماتعرفين
ترقصين يالدبه

وانواع الاستهبال المشكله اللي ترقص امه مسيكينه تبي تفرح به مادرت انه مايستاهل

المهم ويقومون البنيات يرقصن عنده وهو يناظر يقول صح يالرقص مهوب رقص العيال في الاستراحه
امحق رقص؟؟؟
الا وابوه يصفقه على جبهته

دحيم:طيب خلاص بانطم

المهم يوم خلصوا وهو ياخذ العروس ويركبون السياره ومادرا الا تقوم حصيصه وتقول مابغينا نطلع

اقول ماعندك شريط كسرات(شعبي) بشير شنان يعني؟؟

ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له حصيصه:دحيم ابسألك سؤال؟

!!!!!!! دحيم:اسألي

حصيصه:انت الحين تعرف تفحط؟؟؟

دحيم:اكيد انا احسن واحد يفحط(مسوي فنان عندها وهو ماعنده ماعند جدتي)

حصيصه:افا شكلك ماتعرف ههههههههههاي

دحيم:اوريك من اللي مايعرف

وهو اللي يلف ذيك اللفه وطرااااااخ في الماصوره على طول

والحين حصيصه ودحيم في الشميسي الدور الاول غرفه123

قسم الكسور
الزياره من9 الى12 ظهرا و5 الى 9 مساء

انشالله انبسطو بالعرس ؟؟؟؟؟؟؟؟؟ههههههههههههههه

أحلى لـيـلـة دخــــلـــــه