•.•.°.• طَالِبْ عَلَـْﮯ كُرْسِيـْﮯ الإِِعْتِرَافْ•.•.°.•

سوري حبوبه على التأخير بس اخترت وقت اكون فيه فاضيه عشان اكتب كل اللي عندي



●وش هو فطورك لما كنت بالمدرسه بداية من الصفوف الأولية وحتى المرحلة الجامعية
بالروضه كنت قبل لا اطلع اشرب حليب وكورن فلكس والروضه عطونا بعد ريوق صحي وبالابتدائي اذكر حليب وتوست مع ككاو والمتوسط عصير وتوست مع مرتديلا وبالثانويه ماكنت اتريق وايد بالبيت كنت اول ما اوصل الثانويه اطلبلي من الكفتيريا وآكل بوقت فراغي وبالجامعه ما اتريق بالبيت حدي آخذ عصير او حليب اشربه بالطريج واذا وصلت اشتريلي سندويشا من الكفتيريا او المطعم .

●هل كان في أحد ياخذ فطورك بالقوة لما كنت صغير
ما اذكر بس انا نوعي ما آكل وايد يعني اعطي الناس بالطيب مو بالقوه

●هل كنت تحب/ـي الإذاعة المدرسيه ؟؟ وماهي الفقرة اللي تقدمها دايم
كنت وايد احب الاذاعه المدرسيه واحب اقعد اول وحده بالطابور وانا ورفيجاتي بس بالثانويه الوضع تغير شوي لان صاروا يحاسبون على المخالفات حق اول ناس بالطابور بس والباجي يطوفونهم .

●ماهي أكثر مادة تحبها وتحس اإنك شاطر/شاطرة فيها وبرأيك سبب حبك لهالمادة
اموت على مادة الرياضيات وكنت اييب اعلى العلامات وسبب حبي للماده ان كل ابلاتها اللي مريت عليهم طيبين وصج يقدرون البنت الشاطره .

●انت من النوع اللي تستهبل/ـي على أساتذتك وإلا كنت رزين/ـة
لأ انا كنت وايد رزينه ما احب الشطانه وحدي مؤدبه واحترم الابلات بس ساعات اكشت بالحصص لكن ما اقل ادبي على احد ..

●أين كان مكانك بالصف في الأول أو في الأخير
لازم اكون اول وحده جدام الابله لاني من النوع اللي وايد يسهى ويلعب اذا كان ورا فأفضل اني اكون اول شي عشان أركز مع الدرس ..

●كم مرة وقفك استاذك/معلمتك على السبورة بصراحة
لووووووووووووول ويه شكثر بس الله يعافي رفيجاتي مايقصرون معاي

●كم مرة ضربك الأستاذ/المعلمة بالمسطرة الخشبية
مره وحده بالروضه لاني كنت وايد شيطانه .. وبعد هالمرحله محد يقدر يطقني لاني مؤدبه وبنفس الوقت يخافون يتمشكلون لان كان في قرار يمنع اي معلمه تطق تلميذ ..

●وكم مرة إنضربت بالطابور على مرأى كول أبو المدرسه<<مايفوتها شي
لوووووووووووول ولا مره والحمدالله ..

●ماهو شعورك لما يطردك استاذك/ معلمتك برى الحصة
اول شي انحرج لان ما احب ازعل احد وبعدين استانس لاني اقعد احوس بالمدرسه وامر على صفوف كل رفيجاتي واهلي

●بكل صدق هل كنت تمارس/ـي الغش في الإمتحان
لوووووووول بس مره وحده غشيت وانجكيت على طول .. لاني ما اعرف اغش كلش وبعدها تبت

●طيب لما يطلبك أحد الطلاب مساعدته في الغش توافق/ـي أو تتجاهله
لايخفى علينا أن بعض الطلاب/الطالبات عندهم خفقات وكبوات أحيانا ظلم وأحيانا إهمال منهم
لا انا احب اساعد الكل يعني اي شخص يطلب مني اساعده بس لازم اكون متأكده من الجواب وبنفس الوقت محد يجكني وانا اغشش

●ترى كم مرة رسبت/ـي بالمراحل المدرسية <<المقدمة كانت مواساة عشان تقولون الصدق خخخخ
مارسبت بولا مرحله بس بالثانويه سقطت في ماده بشهادة الاوله وبعدين نجحت فيها .. وبالجامعه بكل صراحه سقطت في مادتين تقريبا بسبب الاهمال او ظروف خارجيه مؤثره علي .

●أنت من الطلاب/ـات اللي يحلون الواجب بانتظام وإلا ماكنت تتذكرة إلا بالصباح هع
طبعا المواقف الدراسية من أروع وأجمل ذكرياتنا
لووووووووووووول لا مو كل مره احل الواجب .. اغلب الوقت احله وانا بطريجي حق المدرسه ..

●أحلى موقف حصل بالمدرسة وإذا تذكرته تموت ضحك؟!
في موقف حصل لي بأولى متوسط لما كانوا ماخذين صفنا يغزونهم ابرا وانا ورفيجتي انحشنا عنهم لوووووووووول .. بس حسافه مرت عمي كانت تدرس عندنا وودتني قصب ..

●موقف أبكاك وكل ماخطر ببالك تدمع عيونك؟!
ماكو بس في مره ظلمتني ابلة رياضيات بالثانويه وانا اموت على الرياضيات وانصدمت من الدرجه بالشهاده ولما امي كلمتها وانصدمت ان ابلات الرياضيات كلهم اوقفو معاي وقالو اني من احسن الطالبات عندهم .. بس بعدها تغير تعاملها معاي 180 درجه وكل شي مشى تمام وطلعت من الماده بدرجه حلوه ..


مشكوره غلاتي على الدعوه

واستمتعت بالرد عليج ..

حلو الموضوع

يعطيج العافية..

الله كيونه رووعه الموضوع ^^

تسلمين على اختيارك لي حبيبتي

ولي عوده ان شاالله مع المغامرات

●وش هو فطورك لما كنت بالمدرسه بداية من الصفوف الأولية وحتى المرحلة الجامعية

من الابتدائ لين المتوسط كورن فليكس ^^

ومن الثانوي حتى الجامعه نسكافي وبسكوت


●هل كان في أحد ياخذ فطورك بالقوة لما كنت صغير

لا

●هل كنت تحب/ـي الإذاعة المدرسيه ؟؟ وماهي الفقرة اللي تقدمها دايم

كانت عادي بالنسبه لي بس كانت تجبرني الاستاذه اكون المقدمه دايم

●ماهي أكثر مادة تحبها وتحس اإنك شاطر/شاطرة فيها وبرأيك سبب حبك لهالمادة

بصراحه ولا ماده

بس كنت شاطره في الرياضيات والجغرافيا والعلوم ^^

●انت من النوع اللي تستهبل/ـي على أساتذتك وإلا كنت رزين/ـة

لا كنت مآدبه مع المعلمات ^^

●أين كان مكانك بالصف في الأول أو في الأخير

كنت ما احب الا اقعد ورا اخر شي وكانو المدرسات يجبروني اقعد قدام

اقعد شوي بعدين اخذ كرسيي وارد اخر شي ههههههه

●كم مرة وقفك استاذك/معلمتك على السبورة بصراحة

مره وحده وكنت ناسيه اكتب الواجب


●كم مرة ضربك الأستاذ/المعلمة بالمسطرة الخشبية

مره بالمتوسط ما انسها طول عمري وكلنا انضربنا

لأن كنا جايبين كره ونلعب <<حشى صبيان

●وكم مرة إنضربت بالطابور على مرأى كول أبو المدرسه<<مايفوتها شي

ههههههههه اي والله مايفوتك شي ههههه

ولا مره بالطابور ^^

●ماهو شعورك لما يطردك استاذك/ معلمتك برى الحصة

بصراحه انحرج بس بعدين عادي استانس فكه ههههه

وانطردت مره وحده من المحاضره بالجامعه ^^

●بكل صدق هل كنت تمارس/ـي الغش في الإمتحان

ههههههههههههه احراج غش بروحي مثل براشيم لا والله بس

الغش الجماعي الكل يسأل ويعطي ^^


●طيب لما يطلبك أحد الطلاب مساعدته في الغش توافق/ـي أو تتجاهله

لايخفى علينا أن بعض الطلاب/الطالبات عندهم خفقات وكبوات أحيانا ظلم وأحيانا إهمال منهم

بصراحه اذا اعرف الاجابه اساعدحتى بالغش ما احب ارد احد


●ترى كم مرة رسبت/ـي بالمراحل المدرسية <<المقدمة كانت مواساة عشان تقولون الصدق خخخخ

هههههههههههههههههه بصراحه مره وانا اول سنه بالجامعه وبمادتين بعد

كنت مهمله اول سنه كثيييييييييييير

●أنت من الطلاب/ـات اللي يحلون الواجب بانتظام وإلا ماكنت تتذكرة إلا بالصباح هع
طبعا المواقف الدراسية من أروع وأجمل ذكرياتنا

لا كنت احله بس مرات والله انسى واركض قبل الطابور احله ههههههه

●أحلى موقف حصل بالمدرسة وإذا تذكرته تموت ضحك؟!

والله المواقف كثيره انا كل حياتي مواقف اصلاً خخخخخ

لما كنت بالثانوي كانت عندنا بنت متينه حيل

وكنا طالعين الدرج انا وصاحبتي وصادفناها البنت طاحت جدامنا وكانت استاذتنا نازله الدرج

وشافتنا نضحك على البنت واحنا غصب ضحكنا على موقفها

والبنت تنفض مريولها وتبي تبكي

وزفتنا الاستاذه قالت ان شاالله يصير لكم نفسها

ماكملت كلمتها الاستاذه الا وهي طايحه ههههههههههههه وهم ضحكن اكثر وبأعلى صوتنا

والاستاذه من فشلتها هم هي قعدت تبكي هههههههههههه

بعدين قومناها وهي ماتطالعنا ولاتحط عينها بعينا

طبعاً في مواقف احلى بس هذا اللي اتذكره عدل


●موقف أبكاك وكل ماخطر ببالك تدمع عيونك؟!

ما في

،،،،،،،

ومشكوره كيونه على الموضوع الحلو

واللي خلاني احن على ايام الدراسه ^^

●وش هو فطورك لما كنت بالمدرسه بداية من الصفوف الأولية وحتى المرحلة الجامعية ؟
اعتقد كان ريوقي الأساسي ايام الإبتدائي والروضة اهو الكورن فليكس .. اما المتوسط فـ نادر ما كنت اتريق .. وبالنسبة للثنوي فـ ما كنت اتريق كلش .. لأنه اصلا الجرس 7 ونص وكنت اقعد من النوم 7 وربع : ) يالله البس هدومي وامشي ..

●هل كان في أحد ياخذ فطورك بالقوة لما كنت صغير
لالالا ...

●هل كنت تحب/ـي الإذاعة المدرسيه ؟؟ وماهي الفقرة اللي تقدمها دايم
لا .. هالشي خارج نطاقي .

●ماهي أكثر مادة تحبها وتحس اإنك شاطر/شاطرة فيها وبرأيك سبب حبك لهالمادة
والله المواد اللي احبها كيميا ورياضيات ..
اما عن سبب حبي والله مادري ^ يمكن علشان الأبلات أو مودي ..

●انت من النوع اللي تستهبل/ـي على أساتذتك وإلا كنت رزين/ـة
والله بصراحه بين ذا وذاك ..
يعني ايام الإبتدائي والمتوسط كنت رزينه حدي .. بس اللهم برابعه متوسط كان صفنا وايد شيطان فـ تأثرت شكلي بالبيئة ..
اما الثنوي .. فـ كنت افصل مع الأبلات .. بس ما استهبل وياهم .. والحمدلله انا من النوع اللي كانوا الأبلات يحبوني ويعرفون اني شاطره :^^

●أين كان مكانك بالصف في الأول أو في الأخير
احب اقعد بالنص .. الثانية أو الثالثة ..

●كم مرة وقفك استاذك/معلمتك على السبورة بصراحة
اتذكر أبلتنا الموسيقى بالمتوسط مرة يمكن وقفتنا علشان نسيت الدفتر ..
ومرة بالثنوي بقولكم القصة بالموقف المضحك تحت :^^

●كم مرة ضربك الأستاذ/المعلمة بالمسطرة الخشبيةمرتين ..
مرة بأولى متوسط الأبلة كانت معصبة ع الصف وطاحت فينا كلنا بالمسطرة ..
ومرة بثالثه متوسط هم الأبلة طقت الصف كله ..
يعني مالي ذنب .. الصف كله انطق : )

●وكم مرة إنضربت بالطابور على مرأى كول أبو المدرسه<<مايفوتها شي
لالا ولا مرة ..

●ماهو شعورك لما يطردك استاذك/ معلمتك برى الحصة
الحمدلله ولا مرة انطردت ..
يعني اذا بالمدرسة بتضايق لأني ما احب احد يفشلني : ) اما اذا بالجامعه فـما احلاها ع قلبي

●بكل صدق هل كنت تمارس/ـي الغش في الإمتحان
نادر ما كنت اغش .. بس اغلب وقتي كنت اغشش ..
يعني اتفق مع رفيجاتي بالإمتحان نغشش بعض اي .. بس ابرشم نهي

●طيب لما يطلبك أحد الطلاب مساعدته في الغش توافق/ـي أو تتجاهله
لايخفى علينا أن بعض الطلاب/الطالبات عندهم خفقات وكبوات أحيانا ظلم وأحيانا إهمال منهم
اي بهالسوالف جاهزه حدي ..

●ترى كم مرة رسبت/ـي بالمراحل المدرسية <<المقدمة كانت مواساة عشان تقولون الصدق خخخخ
ولا مرة : )
بس هالكورس برسب بماده عن تعمد : )

●أنت من الطلاب/ـات اللي يحلون الواجب بانتظام وإلا ماكنت تتذكرة إلا بالصباح هع
طبعا المواقف الدراسية من أروع وأجمل ذكرياتنا
والله بصراحه احل بإنتظام وحدي كنت مجتهده .. بس آخر سنتين بالثنوي وبسبب ضغط الدراسة وايد كنت احل الواجب بالطابور :^^

●أحلى موقف حصل بالمدرسة وإذا تذكرته تموت ضحك؟!يووو وايد مواقف لا تعد ولا تحصى ..

اتذكر بثالثة ثنوي .. كنت مندمجة بالكتاب ..ولا الأبلة تطق بإيدها ع الطاولة مادري ليش .. فـ لما طقت اخترعت ومن كثر خرعتي طار الكتاب من ايدي .. وطبعا الكل ضحك علييي : )
.
.
وفيه مرة بعد كنا واقفين يم الطاولة لأنه الأبلة منبهة علينا ما نطلع برا الصف .. المهم بعد ما دخلت الصف قالت سمعت وحده تصفق وانا ييت اركض استانست علبالي فيه عرس : ) .. قلنالها محد صفق .. قالت دام انتوا كنتوا واقفين يم الطاولة انتوا توقفون ورا .. وصج وقفتني انا ورفيجاتي ورا .. ولا اشوي البنت اللي صفقت رفعت ايدها ولا تقول شهادة حق أبلة انا اللي صفقت .. جان تسألها وليش صفقتي جان تقول ابلة اللي يمي ضحكتني فمن كثر ما تأثرت طقيت ايدي ( تعرفون الحركات لما الواحد يضحك حيل يطق ايده خخ ) .. فاهني استانسنا قلنا شهادة حق يلا ابلة قعدينا وصارت ضجة .. عاد الأبلة قالت لنا دام سويتوا ضجة راح توقفون .. وقعدت اللي صفقت واحنا ظلينا واقفين : ) ولا بعد مسويين روحنا معصبين ولا نشارك وياها خخخ


.
.

ومرة بعد كانت ماسكة اوراق بإيدي بين الحصص .. ولا تيي رفيجتي من ورا وتدزني بحزتها طرت جدام والأوراق كلها طارت بالأرض ومن كثر ضحكي ظليت قاعده ع الأرض

●موقف أبكاك وكل ماخطر ببالك تدمع عيونك؟!

ما اتذكر


مشكورة كيوون ع اختيارج لي
وانشالله يعجبكم ردي :^^