●صآنع الشـ ع ـر..~( أحمد الصـآنع )..

.


كتب العديد من النصوص الشعريه المزخرفة ..

وتركـ لهآ السيطره في إحتلآل عقول متآبعي الشعر ..

فلآ تكآد تخلو ذآكره شعرية من حفظهآ لبيت من آبيآت شِعره .. لآعجب في ذلك فِإحسآسه الصآدق , وشتآته المنثور على الورق

لم يكتب لهمآ إلآ أن يتعديآ آفآق الروعة..
ليحصد لصآحبهمآ لقب {صآنع الشعر}..

تغنى بصوته العيد من الآسمآء الشعريه الشآبة :~
مثل:سعد الفهد,هـند , عبد القآدر الهدهود, رويدآ المحروقي



فل.. أتركـ لكم هذه المسآحه
لآطرح بعضآ من روآئعالصــآنع ..}
..........................................الصـآنع..

...............................................الـصآنع..

.................................................. .......

مذكراتي ، صارت بـ داخل الدرْج
من بعد موتي [ علّموا الناس عَنْهَا ]
ما أبي أطوّلها عليكم بـ { هالهَرْج }
فـ أجسادنا الأرواح ، محدٍ ضمَنْهَا
لي مُهرةٍ .. أمسِك رسنها بلا سِرْج
تبكي علي - لا من : ترجّلْت مِنْهَا
قولوا لها : إنْ طق في عينَهَا - عِرْج
كثر البُكى ما يردّني ، ولا " حِزِنْهَا " !

نقط بــ أتركها للتأويل ،
و كل واحد و .. [ تربيته ] !

:

في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !

:

..



قصيدة لعبة جديده..}
:
جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت فـي وقتِك / أنا مُو حاسِب حسابك

نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم
قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]
زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. عِطِـرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك

.



قنبلة إحســآس ..}





قول عادي .. بالي الليله طويل ..

شُوف لِك عذرٍ قديمٍ / وأقبِلَهـ !!


لا تحاتي ...

قلبي مِتعَوِّد يشيل :

( الجُروح ) اللي تجي له مُقبِلَهـ


" طيبتي " صارت مثل ( كف البخيل )

أيِّ شَي طايح .. تِشُوفـه ؟ تحمِلَهـ



و " عزِّتي " تقدر تِسَمِّيها : النخيل

لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..

الحزن : يحْسِبني واحد مِنْ هَلَهـ !!


ومو غريبه .. لو تِمَنِّيت الرحيل

البقاء أحيان , يعني .. البهذلَهـ !!



في غيابك .. ما لَهَا الضيقه مثيل ..!

وربِّي اللِّي .. ما يشاءه , يفعلَهـ



مِنْ يلاقي لـ دنيتي هذي بديل ..؟

خل يجيني أي شخص .. أبَدِّلَهــ



وعيب راسي لا بغى شي " مستحيل "

يوصله مو طيب .. غصبٍ يوصلَهـ



ليه راجع ؟!

ليه ذاكر ..؟

يـ الأصيل ..؟؟

إنت ضايق .. ؟!

في خطأ بالمسألَهـ !!



وليه تبكي مِنْ كلامي يـ الدخيل ..؟

المشاعر .. ما لَهَا بقلبك صِلَهـ ؟!



و( البلا ) .. إن حَبْ رجالٍ " ثقيل "

ينسى مِن حُوله ويسْمَع ( مُذهلَه ) !!



مِن عرفتك .. ما بقى بـ اليَد .. حيل

ولو بكيفي ..؟ [ قلبي ] محدٍ يدخلَهـ



ومِن عرفتِك .. حظِّي العاثر يميل ..

أعترف لِكْ إنِّي ( عاجز ) أعدِلَهـ !!



فاقد الإحساس / ما يعطي القليل

وإن عطيته إحساس قلبك ؟ يقتِلَهــ !!



إيه بـ أرحل والطريق أدري .. طويل ..

مشكلهـ " قربك " .. وبُعدِك مشكلَهـ ..



وإن خذاني المُوت إترك قال وقيل ..

قول هـ الجُمله .. وخطاك محلِّلَه :


[ ربِّي إلهَم أهلهـ الصَبر الجَميل

وإرحمـه يا رب وإحسِن مدخلَه ]



:














.

.



.

بـــــــلآد الحلم..}





:

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما أختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال
شي ودِّك فيه ولا يمكن يصير ..!


:




























.



.

.

قلبي مدينه ..}

:

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليـه أعطيـك الأمـان ؟؟
وليه تَكْذِب في كلامك ! العـذر وينـك ووينـه ؟

ما ألومك .. كان " قلبك " ثارت أمواجه و / خان
الخطا منَّي , لأني صرت فـي بحرك ( سفينـه )

والسؤال اللَّي كتمته ..؟ وما نِطَـق فيه اللسان
{ كيف إيدك إطعنتني وآنا أحْسِبْهَـا أمينـه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينـه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / ربِّي . . بفراقك يعينـه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمح الزلـه عشانك .. وأكتـم أنفاس .. الغبينـه

كنت أحبك ’ كنت أعزك ’ والغلا فيني جبـان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظـرة حنينـه . .

ماني أوَّل من يحب ..... . ومنتَ آخر شخص . ..... خـان !
المحبه في زمانك ؟ بحرها ^ من غيـر مينـه ^

الفشل .. كان النتيجه وأعتقـد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشـان :
" يبكي قلبك لا فقدني والندم .. يملـي سنينـه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينـه .

قلت لك قلبي [ مدينه ] فيها لك :: حشمـه وشـان ::
لكن إنتَ الحين – أغرب .. شخص ! في هذي المدينه
















.