لماذا في رمضان وكأنها فرض!!!!

انا اجوف ان السبب اللي مخلي المسلسلات تنتشر

بهالكثره اهو تنافس القنوات كل قناة تبي تعرض

العدد الاكبر من المسلسلات عشان تجذب المشاهدين هذي

اول شغله، ثاني شي والسبب الاساسي اللي يعطي هالقنوات

حافز عشان تكثر من مسلسلاتها اهم المشاهدين

يعني تلاقي الناس يتابعون المسلسلات ومنجذبين

لها بصوره مو طبيعيه!!

وين ما تروح تلاقي الناس ما عندهم موضوع

غير احداث المسلسلات بدال ما يتناقشون

في المواضيع الدينيه اللي تزيد من حسناتهم

بشهر رمضان..

ما نقول غير الله يهدي الجميع..

يعطيك العافية ياالعذب

وعساك عالقوة..

تقبل مروري

أسيرة انسان

اوافقج ببعض كلامج اختي اسيره

بس على الانسان انه يعرف مصلحة نفسه ... ما قلنا لا تطالع شي .. بس طالع المعقول والافضل واللي تستفيد منه



جزاج ربي خير اختي


قواج الله


احترامي

(:

خوش موضوع ..
و لكنك ركزت على المسلسلات و اخراجها ..
يعني عنوان الموضوع والجمله اللي في نهايته مالها علاقه بصلبه..
وهالشي استغربت منه ..
و ثاني الشي الممثلين يفضل ان يبقى اسمهم ممثلين ..
لأنهم مو *فنانين كبار* ..
اذا الممثلين أصبحوا فنانين عيل شنو خلينا حق السديس ؟ و حق المشايخ ؟
و أصحاب المشاريع و الهمم العاليه ؟

ثاني شي الوسط الفني بكل ما يقدمه لا بد ان نشوف فيه شي غلط ..
و للأسف الشديد صارت مسلسلاتنا تعكس نظرة الدول الأخرى لنا ..
أصبحت المسلسلات الكويتيه أغلبها ( منحطّه ) ..
وللأسف اسمها مسلسلات كويتيه .. و لكن بذمتكم ..
كم من الممثلين اللي فيها يعتبرون فعلا كويتيين ؟؟
أغلبهم مايندرى من أي جحر طالعين ..

في مسلسلات واقعيه و راقيه في عملها ..
مثلا هالسنه عندنا مسلسل التنديل - ابلة نوره - فضه قلبها أبيض ..
بغض النظر عن الممثلين ..
هالمسلسلات اعكست واقع ..

و لكن مسلسل جامعه أي شي ..
و البارونات ..
و فكرة البويات و مسلسل عرس الدم و غيره من هالمسلسلات المنحطه ..
هذي بالحضيض ..
و التافه اللي يتابعها ..

بردي السابق أدري اني طلعت شوي عن الموضوع ..

و بخصوص ان ليش المسلسلات تكثر في رمضان ..
الجواب يكون ان في رمضان القنوات تتبنى المسلسلات ..
انها تكون حصريه ..
و تدفع مبالغ كثيره لهالشي..
وهذا ينطبق أيضا على البرامج و أيضا المذيعين ..
و الدعايات ..
و بعد رمضان يسوون حفل تكريم و تصويت لأفضل عمل رمضاني ..
لذلك كل من يختب في رمضان بالذات ..

وبس =)

انا معاج بكل اللي تقولينه

وانا ادري اني طلعت عن الموضوع ولكن طلعه مقصوده

انا لو بشرح كل شي نتناقش على شنو؟؟


عشان جذي خليت شغلات واااجد الكل يقدر يتكلم عنها


انا سعيد جداا بردج اللي يخلي الواحد يتفاءل خير خصوصا انج عضوه جديده

استمري بهذا الطبع

شكرا

احترامي

(:

هيه والله

المسلسلات تزيد رمضان عن مضان
وتكون اسخف عن اللي قبلها

حتى الواحد مب قادر يحفظ مواقيت كل واحد وفاي قناه
لول

والناس عارفه ان هالمسلسل بينعرض عقب رمضان مباشرة
لو الواحد عارف جيمة شهر رمضان ما بينشغل بالمسلسلات وهالخربطان


يسلموو ع الموضوع الحلو برو
لاعدمناك

عزيزي العذب ...

رمضان شهر القيام والصلاة و العبادة
و هو ايضا بمثابة بوابة الرحمة لكل نفس تواقة الى التوبة

و مرضاة الرحمن ...

اما بنسبة لموضوع المسلسلات فهي مجرد حبكة اعلامية بحتة

و ابصراحة لو ما كان في اقبال من الناس على المسلسلات
خصوصا شهر رمضان ..

رغبة في قضاء وقت الصيام و تسريع عقارب الساعة
الى موعد الافطار ..
لما حصلت حرب المسلسلات المكتضة على الفضائيات

تقبل مرووري