صـــور من طموحي

طموحة مملوحة · #1 22/07/08

السلام عليكم ورحمة الله

شلونكم أخواني وخواتي ؟؟

والله هالموضوع قاعد يطقطق براسي من مدة وقلت الحين لازم أحطه .. متى ؟؟ بوقت امتحانات وريبورتات وفايلنز ولابات وتوني طالعة من الجامعة ولايعة جبدي حدي والله المهم بسنا هذرة بس ابيكم تدعون لي بالخير

حبيت أحط لكم صور من طموحي وذكرياتي وشلون كنت طموحة من أيام الطفولة اسم الله علي

المهم هذي طوفة بغرفتي تون مسويتها .. يعني مثل الي يشخبطون على الطوف بس أنا على نظافة

المهم هذي الصورة كنت حاطتها بمنتدى أشارك فيه للجامعة

وشافها واحد من نسايبنا يدرس معاي بالجامعة .. فقال لي يحليل السنافر للحين عندج ؟؟؟ قلت لا بعد الغزو اختفوا .... جان يقول لي اوكي... واليوم الي وراه لمن رحت الجامعة شفته جان اسلم عليه فعطاني جيس ... ولمن شفت شنو داخله لقيت هذول ... :P طلع عنده نفس العابي لمن كان صغير .. واحتفظت فيهم حدي حدي مستانسة عليهم والله

المهم ... دورت بمكتبتي القديمة ، لقيت قصص وايد وايد وايد ... كنت اقراهم لمن كنت صغيرونة .. أمبي والله ايام فخذيت (( بعز)) منهم وصورتهم وأهم شي قصة جريمة البرج ... بوليسية فيها عاطفة شوي بس حبيتها حييل والله ... وحبيت البطلة لوووول

انصدمت من شغلة وأنا أطالع أغراضي القديمة ولا اشوف دفتر مذكراتي واقراهم ولووووووووووووول ... صج صج صج الخط ويييييييع سبحان من غير الخط ... والسوالف اعبط من العبط ... اقراهم وأقول والله كنت انسانة فاضية حدي

المهم لقيت عندي أشياء تضحك ... مث الفيس المسكين يايني هدية من برا الكويت وزعلت لأن ولد أخوي خربه

يتبع

طموحة مملوحة · 22/07/08

هذي آلتي الحاسبة ... عزيزة على قلبي والله ، صار موقف يضحك منها .. واحد من زملائي طلبني آله حاسبة فعطيته اياها ... المهم كان عنده امتحان .. فلمن خلص يايني ويهه مصفوق ... قلت بشر ؟؟ جان يقول لي الله يهداج الدكتور مر صوبي جان يطالعها قال لي (( بتحب الحجات بتاعت البنات ؟؟؟ )) فشلني والله الشباب ضحكوا مشكلة والله طموحووو

المجلة الي كان لها الفضل اني اطور طموحي ... عندي اعداد وايد وايد منها على فكرة كنت مندوبة معاهم وللحين كل ما اشوفها بالمكاتب تخنقني العبرة :P شكو ... لوووول

أشيائي الثمينة جدا جدا جدا جدا جدا جدا

هذي اللعبة الغسالة أذكرها امي يابتها لي لمن كان عمري 8 سنوات ... وكانت يايبتها قبل العيد ... حدي استانست منها خو ماكنت احب باربي احب سوالف غسالات سوالف بيت لووول

هذا مجسم سويته حق برزنتشين ولد أخوي والمس مالتهم حدها استانست عليه ... فخشيته عندي

شوفوا بطل الماي الصجي قبل ما يكبر جذي شكله قبل ما يتفخونه ...

أول نوت لي بجامعة الكويت ... كل ما أشوفه أقول شخباري .. حدي قديمة لووول بس محتفظة فيه

علشان تعرفون اني أهتم بجميع القوائم لو حاطة باجي باجاتهم ونشراتهم وكل سوالفهم جان ترست الغرفة مالتي كلها ... معلقتهم بعد ... منو قدهم لوووول

سوالف مشجعة كاظمة الطموحة

رحت السوق شريت حقي وحق بنتي نفنوف كظماوي لبسته وياها مرة كان شكلنا يونس حده

سوالف وسطية ... ومعاهم الكرفتة الي شريتها حق الانتخابات كنت البس لبس رسمي مع الكرفته حدي حدي كنت ستايل لووووول ستايل رجلة الأعمال

حشراتي العزيزة .... يلبي يهبلون صح ؟؟؟ كربونش والله ...

هني كان عندي امتحان لاب وعلشان ما انسى المعلومات حطيتهم على السبورة فديت الجيولوجيا والله

كنت بحط أشياء بعد .. بس والله يطول وعندي برزنتيشنز وايد لوووووول

ان شاء الله يعجبكم ..

تحياتي

طموحة مملوحة

حبك وجع · 22/07/08

هههههههههههههههههههههههههههههههااااااااااااااي

برزنتيشنز

شششششششششششششكري اختي

والله حسيت اني عايشه معاكي بلبيت هههههههههههههه

بس الغساله عندي انا امووووووووووت عليها طلعنا مثل بعض

ههههههههههههههههههههه

ودفتر الاسود بلطوابع شكلك من البنات الي يحبو يزينو الدفاتر

انااااااادفاتري حدها شخامبيط واوراق مقصوصه والحال مسكين فيها

دلع الحب · 23/07/08

صور كتير حلوين
دمتي بخير غلاتي
تقبلي مروري

Khaled · 23/07/08

روعـه اختي ساره ... خصوصا البنوته الكظماوية تهبل ماشاءالله عليها .. الله يخليها لكم يارب
صور حلوه وتشوق

بس الحشرات مو شئ لووووول ماحبهم ولا احب اشوفهم

ننتظر كل جديد يالغلاا وعن اذنج ترا صغرت الصور علشان تكون واضحه بالموضوع

ManU · 23/07/08

هههههههههههههههههه

خووش صــوور ويــعطيج العــافيه ...

كارلي · 23/07/08

والله انا كل ذكريات الطفوله

قطيتهم بس ذكرياتي انا في المتوسط والثنوي عندي

يسلمووووووووووو حبوبه

عالصور الروعه