اقتراح تشكيل لجنة الامر بالمعروف والنهي عن المنكر!!

يارب ان شاء الله يسوونها

ويارب قريب
^_^

تسلمين عالخبريه الحلوه

خبرية حلوة ...........




العفو ولو

اغلاق المحال التجارية اثناء الصلاة ملزما ويعاقب المخالفون بعقوبات تأديبية متدرجة


صلاة منو؟؟ السنه ام الشيعه؟؟

وبما ان الشيعه يجمعون الصلوات المحل راح يظل مصكوك؟؟

انزين شنو العقوبات؟؟ .. رجم حتى الموت؟؟ .. جلد؟؟ .. عض؟؟ .. فناقر؟؟



هيئةالأمر بالمعروف والنهي عن المنكر بالكويت او كما تسمى حاليا "بلجنة الظواهر الدخيلة" بتكون هي اكبر و اقوى ظاهرة دخيلة على مجتمعنا الكويتي

أكيد أخوي العزيز وطن النهار ... كافي يتناقشون بموضوع ستار أكاديمي الي يشوف يقول قاعدين اهم بالكويت ويرقصون بالكويت ... ليش بدل ما اهم معصبين يحثون لبنان وينصحونهم ... بالموعظة الحسنة ??


أهم شي أخوي ... علشان يبدون تصوير البنات واهم يتعرضون للمعاملة الشبه متخلفة من قبلهم ... ويصورونهم مثل الي مصورينهم باليوتيوب ومضحكين الناس عليهم ومخلين الناس يذمون بالهيئة ...

يحبون يمصخرون نفسهم وايد ... أنا الي يغثني أن أكثر الأعضاء الي يتكلمون عيالهم يدرسون بدول غربية فيها الحرية المطلقة ... عادي .. بس على عيال الخلق لا ... محد يربي عيالهم عدل الا اهم ..

الواحد مايقول الا استغفر الله ...

الكويت من عمر تطبق الدين صح .... وأكبر دليل كثرة لجان التعريف بالاسلام .. وشكر الكثير من الدول الأفريقية وغيرها لدولة الكويت على مساندتهم لها ... بس المتأسلمين يحبون يسوون أكشن شوي


شكرا لك أخوي وطن النهار

لماذا اجد منكم الاستهزاء بالدين الا تخافون الله؟

وهل انتم الرب لتطلقو على الناس متاسلمين او مسلمين

ان بعض الظن اثم

اشيد بدور النواب على وجود مثل هذه الهيئات

وفقهم الله وسدد خطاهم

كوني بخير

أنا هنا لا أدعو الى الفلتان و الابتعاد عن الدين لا سمح الله, أنا أعتقد بأن الدين و المعتقدات الدينية هي شأن شخصي و لكل شخص الحق في اعتقاد ما يريد و حسابه يوم القيامة عند خالقه

نحن كبشر لسنا مسؤولين عن ايمان و اعتقاد بقية الناس, فحتى لو أجبرتك على الصلاة فلن أستطيع أن أغصبك على تجرع الايمان و الخشوع الى الله

و الدليل على ذلك هل قّل المغازل بعد منع الاختلاط؟
هل اختفت الفنايل الحفر بعد قانون اللبس المحتشم؟
هل استطعنا منع الناس من قراءة ما يشاؤون بالانترنت بعد منع الكتب؟
هل قل عدد مدمني المخدرات؟

هل تحسنت أخلاق الناس بشكل عام؟

الايمان و الاعتقاد و حب الدين أمور تصدر من الداخل و لا تفرض من الخارج , و تجارب الدول الاسلامية خير شاهد على ما أقول

أنا شخصيا أقف ضد اللجنة, فأي شريعة ستطبق؟ و أي اسلام سنتبع؟ اسلام الطبطبائي؟ أم اسلام السويدان؟ أم اسلام القلاف؟

كم من الوقت و المجهود و المال سنهدر على معارك و مشاريع أسلمة الكويت؟

وهي بالاساس مسلمة !!!


لذلك فانني أتمنى أن يتخذ صاحب القرار خطوة جريئة باغلاق أبواب اللجنة و سماسرتها, و التركيز على دعم الاقتصاد و العلم و نشر الثقافة و زيادة الوعي بين الناس, حتى يكون لنا أمل في أن تعود الكويت الى سابق عهدها درة للخليج

لو يسوونها كان احسن

اتمنى تقر هذه اللجنة

يسوونها في بلد تعود على حرية الرأي صعب جدا

وثانيا أستغرب من كلام الي يقول تستهزئون في الدين ... عطيتني كلمة متأسلم قلتها نعم قلتها ...

لأن هالشخص يتكلم وأي اعتراض عليه يقول الدين حتى لو كان كلامه كله غلط ..... هذا الي تعودنا عليه منهم ...

مثل حقوق المرأة يابوا الف فتوى وقالوا حرام ولمن اقروها قالوا مبروك ونحن مع حقوق المرأة ... وين الدين الحين ؟؟؟

لمن يقعدون يفضحون ببعضهم ... وكل واحد يحش بالثاني وين تطبيق الدين هني ؟؟

لمن يروحون يتوسطون حق ناس يعرفونهم ويطلعونهم من السجون .. مخليين الي حدتهم الظروف انهم يدشون السجن لقضايا أموال وغيرهاوين تطبيق الدين هني .؟؟

فعلا ... يحطون قوانين ويدرون ان صعب على الشعب تقبلها ... اذا انت وهذاك وهذيك موافقين على هالشي ترا أنا وغيري وغيري مانوافق ...

اذا شايفين أن كل الشباب فساد فساد فساد ... أنا أشوف أن في شباب أنظف منهم ما شفت ...

اذا حاطين الغرب اهم الي مأثرين علينا فعلا ... منعوا البلاوي الي تيي منهم ...

شمعنى الحين يايين يتكلمن بهالموضوع ؟؟؟
ترى من زمان في أسواق ومجمعات ... من زمان في فساد ....
ليش الحين تكلموا ...
والله العظيم حتى بعض رجال الدين وأرعفهم رافضين هالفكرة نهائيا ... يحليلها وحدة تمشي مع ريلها ويوقفهم واحد عقد الزاوج ولا لبسي عباية ..
حتى أندونيسا الي اهي أكبر دولة مسلمة ... ماشفنا منهم هالقوانين المعقدة ..

ليش ما يحلون المواضيع بذكاء .؟؟ ليش محد يجاوب على سؤالي هذا ؟
فعلا ... الحين على كلام أخوي وطن النهار هالشي بيحد من الفساد ؟ بيقلل ... عطوني نسبة ... ودراسة بعد ... مشكلة المجلس ما يحط دراسات وخطط يالله اقراح والكل مع ضد مع ضد ونجرة وهواش وبالأخير الفلوس الي تييلهم ماراح تقل ... منصبهم باقي كل شي تمام ... والشعب يتضرر من حجي فاضي مامنه فايدة ...

حتى انتو يالي تتكلمون ... عطوني سبب مقنع يخليكم تأيدون الهيئة ؟؟ أو أن هالهئية راح تمشي عدل ...

ماشفتو الفيديوات الي يطرشونها بالتلفونات .؟؟؟ انا مشتغربة اذا مامرت عليكم ... كله تصوير الهيئة واهم يزفون بالحريم :P والغريبة ان يخلونهم يصورون شي غريب والله ...

شرايكم ...

نحط سوق حريم وسوق ريايييل ... ومستوصف حريم ومستوصف ريايييل

على طاري صج حتى بالمستشفيات يغازلون ... بيحطون هيئة هناك ولا بس بالسوقة ؟؟؟

ماقول الا الحمدلله الي عطانا عقل نتحكم فيه .... وعطانا فكر ودين نستمد منه الكلام العقلاني .... لا ان نجبر المرء على شي ماوده فيه .... غصب اهو غصب ..؟؟
كل واحد وحر ... انا وحدة ما أأيد بس بنفس الوقت ... ماراوح سوقة وايد ... ويالله بالشهرين مرة ....

ولبغى الواحد فساد يسويه أشكرة وغصب ... عادي الدنيا سهالات ترى .. لا تنطرون الناس تخليكم تاخذون اجر أو غصب تعطون الناس أجر ...

البرامج الي كانوا يسوونها الشيخ نبيل العوضي ومحمد العوضي وغيرهم بالاسواق كانت من الفكر الذكية جدا والي يابت نسبة كبيرة من المشاهدين الشباب ....

القرآن والسنه منهج المسلمين ومنه نستقي تعاليم ديننا

الحريه التي تتكلمين عنها تنزعنا عن الدين وتجعلنا اسيرين لرغبات النفس وشهواتها

اي حريه التي تجعلنا عبيد لاهوائنا

ان كانت هناك ممارسات غير صحيحه للدين فهذا يدل على عدم الفهم الصحيح ولكن لايخرجنا عن صحة الفكره

نامل بان يطبق شرع الله في الارض كافه

كوني بخير

نأمل ذلك .... (( نأمل )) ...

يعني فعلا هالشي ماقاعد يتطبق المشكلة أخوي الشي الزين ماناخذه من الغرب ناخذ الشي الي مو زين أو بمعنى أصح ياخذون ...

حياتنا أصلا كلها تحت رحمتهم ...