 |
 |
 |
 |
 |
|
#1
07/06/08
|
|||
|
|||
|
سـوالف
السلام عليكم ورحمه الله وبركاتة
موضوع سوالف مايتكلم عن شئ محدد بتكلم بكل شئ عن قضايا عن مواقف صارت لي ! اي كان الموضوع بيكون - متجدد - يومي اذا كان عندي الوقت اتمنى الموضوع ينال اعجابكم . .
|
|
07/06/08
|
رقم المشاركة : 2 | ||||||
|
يهالوه |
||||||
|
|
|
08/06/08
|
رقم المشاركة : 5 | ||||||
|
بطيـــخ بطيـــخ بطيـــخ |
||||||
|
|
|
09/06/08
|
رقم المشاركة : 6 | ||||||
|
تذكرت!؟ اليوم و أنا قاعد منحبط بالدوام مجابل النت, سرحت بعيد جدا عن ما نراه هذه الأيام تذكرت الغزو, ليش ؟ لحد يسأل تذكرت أول يوم الغزو و يمعة أهل أمي ببيتنا لأنه عندنا سرداب تذكرت قريبنا العسكري, كان ماخذ الفيديو و الأفلام معاه يوم استدعوه عباله غشمرة تذكرت صوت يوسف مصطفى و دموعه الظاهرة من صوته بالراديو تذكرت بنت خالتي و هي تحلف تقول ما نعطيهم شبر واحد الكويت تذكرت فرحتنا يوم درينا ان الشيخ جابر و سعد وصلوا السعودية سالمين تذكرت صوت ولد خالتي و هو يصارخ فوق السطح الله أكبر تذكرت أول مظاهرة للنساء جدام فياصل بالجابرية , و أعتقد فيها استشهدت سناء الفودري البطلة تذكرت دعستي بالكنقية أخشش ذهيبات أمي و خواتي تذكرت الأهل و هم يرحلون الواحد ورا الثاني عن طريق ايران و جوازاتهم المزورة, اللي حاط اسمه رضا و اللي برويز تذكرت ابوي و هو يجابل السي أن أن قبل لا يشلعون العراقيين ستلايتنا – أيامها نادر الستالايت و غالي تذكرت العراقيين و هم ينطون سور بيتنا تذكرت الرائد الحقير مهند و هو يهدد أمي و ريل خالتي تذكرت ريل خالتي و هم يضربونه على السلّم, اعترف يا حرامي تذكرت مهند يقول انتوا الكويتيين تبوقون و تقولون العراقيين حرامية تذكرت القاري البي أم أكس اللي شريته و أصر صاحبه أن يستلم دينار كويتي و ليس عراقي تذكرت ابوي و هو طايح فيني زف و فشش تواير القاري,يوم عرف أني تجاوزت حدود قطعتنا بالقاري و زرت رفيجي بقطعة خمسه تذكرت الشباب الصيع و الدينين كل يوم يطيحوله كرة و طائرة تذكرت و تذكرت, راح أقولكم شنو بعد تذكرت تذكرت الطابور على الخباز , الخبزة سمرة و النطرة ساعه يالله يالله تحوشك خبزة و بنظام الكوتا بعد تذكرت جنود الاحتلال و احنا بشطانة اليهال نقولهم الله يساعدك عيني كل ما نمر عليهم تذكرت أمي و هي تقول حق ابوي خل نطلع و أهو يرد عليها ببرود يقولها, ليلحين ما صار شي يخلينا نهد الديرة, اهني أأمن من هناك تذكرت شريط الأهل من لندن, فلان و فلان أمكم تعبانه حاولوا تكلمونها, فلان و فلان كلنا بخير و نسأل عنكم تذكرت ربعي اليهال يقولون اذا تحررت الكويت بيعطون كل واحد خمسين ألف دينار تذكرت الهوندا السماوية مالت الاستخبارات و هم يفترون بالفريج و كل العسكريين ايدهم على قلبهم كل واحد يقول طلع اسمي تذكرت رويشد و سعاد بالليلة المحمدية و جلوسي خلف القنفة عشان ابوي و أمي ما يشوفوني أبجي لمن يقول و مسجد لله بنيتو , بيقول داه مسجدي تذكرت مقابلات الكويتيين بفندق كونتيل انتل بالشارقة تذكرت حياكم الله و ها خوتي ها, صدام اسمك هز امريكا صدام اسمك عز و هيبة تذكرت تلفون نص الليل, الحرب الجوية بدت تذكرت صوت الصواريخ و الطيارات و قعدتي بالحوش بالليل مستانس أشوف المضادات تذكرت انا و اخوي الله يرحمه و احنا نلزق الدرايش بالتيوب تذكرت قطعة الماي و الكهربة ,و سباحتنا بماي الجدر المسخن على الجولة تذكرت النومة بالسرداب , و آخ آخ على أيام ذاك السرداب تذكرت المطر الأسود يوصخ بيوتنا, بس والله كنا مستانسين فيه و نعتبره خير من الله و تذكرت التحرير, كان الجو يومها جو تحرير, مطر و براد و الناس واقفة عند بيبانها ترقص و تذكرت نقطة سيطرتنا بالفريج, و كل ما مر أحد نقوله هويتك يابه؟ تذكرت بلوفر الفري كويت الأسود و انا كاشخ فيه و الناس تسألني من وين؟ أقولهم من لندن تذكرت ريل عمتي العسكري و يوم عطاني كيس الكاكاو شلون استانست كأنه معطيني مليون دينار, ركضت من بيتهم لين بيتنا عشان أخش ذاك الكيس و حاضن الكيس كأني أم شايله رضيعها تذكرت تطوعي بالهلال الأحمر و توزيعنا الأكل عالناس, دوامنا يبدي من السبع لين أربع العصر تذكرت دقرتي يوم قلت حق الجندي الأمريكي , عطني كبوسك و قالي نو, نحيس تذكرت مجلات ماجد و ترنكسوتي الأصفر و شعري العبيط تذكرت و تذكرت , يا ليت هالمخ ينسى و ما تذكرت أيام الغزو, حزينة و سعيدة, مريحة و تعيسة, بس كنا متوحدين كنا نحب ديرتنا بلا نفاق كنا نفزع حق بعض بلا أجر ما كنا نعرف شنو يعني سرقة المال العام ما كنا نعرف شنو يعني نفاق و تمصلح ما كنا متلوثين , ما كنا متصارعين على كرسي و كم دينار يمكن كنا يهال, و يمكن كنا سذج و ما ندري شلي يصير حوالينه بس أيام الغزو على خوفنا و عذابنا كنا مرتاحين و قلوبنا صافية عدونا معروف ,صدام مجرم يكره الكويت أما اليوم للأسف , عدونا رمادي و للأسف اهو اخونا من امنا الكويت |
||||||
|
|
|
10/06/08
|
رقم المشاركة : 7 | ||||||
|
حكمت المحكمة حدث في عام ألفين و ثمانية و ثمانين في غرفة معتمة الأنوار في أحد سويتات فندق أمن الدولة في منتجع جنوب السرة , وقف اثنان من الضباط اللطفاء يحققون مع المتهم أصلي بتهمة الخيانة العظمى و تخطيط عملية انقلاب على الحكم المحقق : اسمك الثلاثي ؟ ك.أ : عبدلله كويتي أصلي المحقق : عمرك؟ ك.أ : واحد و سلاسين , احم احم أقصد سلاثين , ثلاسين لا لا ثلاثثين المحقق : هل تعترف بالاتهامات المنسوبة اليك؟ ك.أ : أي تهمة؟ خير؟ المحقق : انت متهم بعدم الولاء للكويت ك.أ : شدراك؟ المحقق : شلون شدراني؟ أنا أمن دولة و أفهمها عالطاير ك.أ : نوّرني؟ المحقق : حاط صورة شيخ على سيارتك؟ ك.أ : لا المحقق : بمكتبك؟ ك.أ : لا المحقق : يم كرفايتك؟ ك.أ : لا المحقق : ديوانيتك؟ ك.أ : لا المحقق : بموبايلك؟ ك.أ : لا المحقق : وال بيبر بلاب توبك؟ ك.أ : هم لا المحقق : سجّل عندك , اعترف المتهم بالتهمة الأولى و هي عدم الولاء للكويت ك.أ: لحظة يبا , الولاء بالصورة؟ المحقق : مسجّل بنادي القادسية ؟ ك.أ : لا المحقق : ما تمارس هواية الاشتراك بحاشية أحد الشيوخ؟ ك.م : لا المحقق : على راسي , و قد اعترف المتهم بأنه يكره الأسرة الحاكمة و لا يشجع شبابها الله يطول بعمرهم ك.أ : أيداد بيداد المحقق : التهمة الثانية , الولاء لدولة أجنبية , تعترف ؟ ك.أ : شرم الشيخ؟ المحقق : لا يا حمار , ايران ك.أ : شلون صدتوني؟ المحقق : مراقبين كل تحركاتك يا خاين ك.أ : أي تحركات يا محترم؟ المحقق : تستعبط ؟ تنكر انك تروح خبّاز ايراني اللي بقطعة سلاسة ؟ شت , ثلاسة ؟ سلاثة ؟ زفت ثلاثثة؟ ك.أ: يا ريت الأرض تنشق و تبلعني المحقق : ماخذ بنت اختك معاك يعني مسوي تمويه ؟ عبالك ما ندري انك تضرب عالسمسم ؟ ك.أ : استر على ما واجهت المحقق : لا , توّ الناس , التهم وايد , حضرتك انسان خطير , أخطر من الصلال ك.أ : انت ليش معصب؟ المحقق : و قد اعترف المتهم بالولاء لدولة العدو الايراني و اصراره على أكل الخبز الايراني المسمسم و سماع أغاني معين ك.أ: خاكو سارت المحقق : بعدك ما شفت شي , انت متهم بالتعامل مع أحزاب ارهابية محظورة , تعترف؟ ك.أ : شفيك خايف؟ قول أي حزب المحقق : حزب الله ك.أ : ما تحبهم؟ المحقق : لا , ما تدري انهم ارهابيين و مدعومين من ايران ؟ ك.أ : بلا أدري , بس شسوي , قلبي يحبهم المحقق : لابو قلبك , أشكرة تعترف انك تحبهم؟ ك.أ: اي والله أحبهم , بس اذا مو عاجبينك عادي أغير المحقق : تغيّر حق شنو؟ ك.أ : اللي تبيه , البرشا ؟ الملكي ؟ اليوفي؟ المحقق : دلدغني , سجّل , اعترف المتهم بدعم حزب الله الارهابي و قد لوحظ أنه مضبط رنة تلفونه على أغاني محطة المنار ك.أ : تجيك التهايم و انت نايم , منو قال أدعمهم ؟ قلتلك أحبهم , و من طرف واحد بعد المحقق : ابتلشنا فيكم , يبا اذا لي هالدرجة تحب ايران ليش ما نحجزلك تذكرة بالعبارة ترد فيها ايران و تبرد دودتك ؟ ك.أ : تعايرني بالعبّارة ؟ شدعوة يدّتك ياية الكويت بكونكورد و الا بنتلي كشف ؟ كلنا بالهوا سوا المحقق : أشوفك طيّحت الميانة ؟ ك.أ: لا والله , بس قلت نثري الحوار بسماع وجهة نظر الطرف الآخر المحقق : والله لا أوديك بداهية , التهمة الرابعة – اعدام انشاءالله – تنظيم محاولة قلب نظام الحكم في الكويت , تعترف ؟ ك.أ : لا والله ما اعترف , متى انقلبت أنا؟ المحقق : اذا أمريكا طقّت ايران شبتسوي؟ ك.أ: أطلع مظاهرة بساحة الارادة المحقق : و بعد؟ ك.أ: أقاطع المنتجات الأمريكية و أبيع الفورد و أشتري هوندا المحقق : و بعد؟ ك.أ : احرق علم أمريكا عند سفارتهم المحقق : عفية عالشاطر , و بعد؟ ك.أ : كل هذا و بعد؟ ساعدني اذا عندك اقتراحات؟ المحقق : يعني ما راح تفجر منشآت نفطية ؟ ك.أ : بالكويت؟ المحقق : اي بالكويت ؟ ك.أ: لا المحقق : ما راح تخطف طيّارة ؟ ك.أ : لا , بس اذا تبيها تنخطف عندي واحد زقرتي مستعد يسويها المحقق : منو , عماد مغنية ؟ ك.أ : لا لا لا , الكويتي أنفع , واحد محليّ أصلي , الله يذكره بالخير ينقاله ليل ألين المحقق : لي هالدرجة يحب حزب الله و ايران ؟ ك.أ : مو بالضرورة , بس يخطفها عشان يطيحون القروض المحقق : والله ما ينلام , شقونا هالبنوك ك.أ : اي والله , ما خلوا أحد مرتاح المحقق : ماكو أخبار يديدة عن موضوع القروض ؟ ك.أ : والله يقولون في أحكام قاعدة تطلع ضد البنوك اللي زايدة الدفعات و المدة المحقق : و بو رمية ؟ ما صار عليه شي ؟ ك.أ : لا والله ما عليه شي , خاموش هاليومين المحقق : انت مع اسقاط القروض ؟ ك.أ: لا والله انا ضد اسقاط القروض المحقق : صج انك خيانة , سجّل عندك , اعترف المتهم بتنظيم خلية تهدف الى زعزعة أمن البلاد و قلب نظام الحكم ك.أ : يواش يواش , انا شقلت؟ حكمت محكمة أمن الدولة على المتهم عبدلله كويتي أصلي بالصلب شنقا بالرصاص و ذلك لادانته بالتهم التالية , عدم الولاء للدولة , الولاء لدول أجنبية , دعم أحزاب ارهابية , محاولة الانقلاب على النظام , و عدم تأييد اسقاط القروض طبعا ما يحتاج أوضح لكم بأن هذا الحوار خيالي و الشخصيات وهمية وأنا اقف قلبا و قالبا مع وزير الداخلية الرزة الرزين ذو الخد المتين و تصريحاته المطمئنة لجميع المواطنين و عاشت الوحدة الوطنية |
||||||
|
|
![[ Thanks Pink & Candy 3hood ]](images/Pink-Candy/Pi-Ca-71.gif)
الله يرزقها يارب ..
![[ Thanks Pink & Candy 3hood ]](images/Pink-Candy/Pi-Ca-18.gif)
