تعريف جامعي :)

طموحة مملوحة · #1 07/06/08

السلام عليكم ورحمة الله وبركاته

حبيت بموضوعي هذا الي أتمنى أنه يتثبت ... أن نتعرف على بعض لطلبة الجامعة ... وأتمنى تتفاعلون مع الموضوع

*الاسم :

* الجامعة :

* الكلية :

* التخصص:

* كيف تم اختيار تخصصك ؟؟

* ما الذي استفدته من تخصصك ؟؟

* ما العيوب التي تراها في التخصص الذي تدرسه ؟؟

* ماطموحك مستقبلا ؟؟

* ما الاشياء التي تنقص الكلية التي تدرس فيها ؟؟؟

* كلمة أخيرة ..؟؟؟

شكرا

**Om MsHaRY** · 07/06/08

*الاسم :

* الجامعة :

جامعه الكويت -
* الكلية :
كليه الطب المساعد

* التخصص:
اشعه
* كيف تم اختيار تخصصك ؟؟

انا اللي اخترته - بس بعد عناء طويل معدلي كان يدخلني اي تخصص وافترييييت فيهم كلهم لين اخر شي اخترت تخصصي وارتحت فيه

* ما الذي استفدته من تخصصك ؟؟
امممممممممم مادري كل شي فيه حلووو

واكثر شي تفهم الناس ومعرفه طريقه التعامل مع المرضى

* ما العيوب التي تراها في التخصص الذي تدرسه ؟؟

اول ما نبتدي شغل اتوقع انه الشغل راح يكون ممل لحد ما يثقون فينا
* ماطموحك مستقبلا ؟؟

طبعا اكمل دراساتي العليا
* ما الاشياء التي تنقص الكلية التي تدرس فيها ؟؟؟

الحمد الله كليتنا الوحيــــــــده اللي ما نشتكي من شي فيها
* كلمة أخيرة ..؟؟؟

اتمنى ربي يوفقني ويوفق الجميع

ميرسي عالموضووووووووووع

ونتمنى نسمع اجوبتج انتي عالاسئله

@@

طموحة مملوحة · 08/06/08

مشكورة حبيبتي بنت النواخذة

*الاسم : طموحة مملوحة

* الجامعة : الكويت

* الكلية : العلوم

* التخصص: جيولوجيا (( علم أرض))

* كيف تم اختيار تخصصك ؟؟ والله الأهل كانوا يبون لي هالتخصص .. وماكان داش مزاجي بس الحمدلله اني سمعت كلامهم

* ما الذي استفدته من تخصصك ؟؟
استفدت الكثير ... وحبيت علم الأرض وخاصة ان الحين طالبينه وايد في الكويت

* ما العيوب التي تراها في التخصص الذي تدرسه ؟؟

يمكن قلة الأماكن الي ندرس فيها يعني ماكو تضاريس وايد بالكويت .. كله جال الزور وفيلكا وبس

* ماطموحك مستقبلا ؟؟

أكمل رسالة الدكتوراة ، وأكمل طموحي الي أحلم فيه يارب

* ما الاشياء التي تنقص الكلية التي تدرس فيها ؟؟؟

اوووووف وايد أشياء تنقص كلية العلوم .. منها الاستراحات والأماكن الي نقدر ندرس فيها .... مانلقى الا الكلاسات ندرس فيها

* كلمة أخيرة ..؟؟؟

شكرا وأتمنى للجميع كل التوفيق والنجاح

Mi$s-Q8 · 08/06/08

*الاسم : Mi$s-Q8 و عرفت سابقا ً بـ kainan

* الجامعة : الكويت

* الكلية : العلوم

* التخصص: كمبيوتر

* كيف تم اختيار تخصصك ؟؟
كل يوم كان لي قرار , مرة فيزيا هندسية مرة بحوّل مرة احصاء بس بالـ أخير رسيت على الكمبيوتر لـ أني مرتبطة وايد بالـ كمبيوتر و لغات البرمجة و أحسها الشي الوحيد إلي ما أحتاج أدرسه وايد و أفهمه بسرعة .

* ما الذي استفدته من تخصصك ؟؟و التدرّج بـ حل المشاكل
التفكير المنطقي ..

* ما العيوب التي تراها في التخصص الذي تدرسه ؟؟
طلبات المقرر وايدة من واجبات و أغلبها تعتمد على الطالب , يعني إذا بعتمد على الدكتور بروحه ما راح أتوّفق و لا أييب قريد حتى .. فالـ أغلب الجهد على الطالب و يحتاج يتابع نفسه بـ نفسه وايد , و الحمدلله بالـ نت فيه وايد ناس متخصصة بهالـ مجال و ساعدتني وايد ..

* ماطموحك مستقبلا ؟؟
الانتقال إلى دبي بـ اعتبارها المنطقة الأولى عربيا ً و خليجيا ً في مجال التكنولوجيا و المعارض الالكترونية .. سواء بـ فرصة عمل .. أو الزيارات المنتظمة لها لـ المحافظة على سعة أفقي بهالـ مجال ..

* ما الاشياء التي تنقص الكلية التي تدرس فيها ؟؟؟
دكاترة سنعة مو أسطوريين , و مصافط :PpP~

* كلمة أخيرة ..؟؟؟
أشكرج طموحة على هالموضوع الجيّد ,
و كل مواضيعج الهادفة بـ شكل عام

~~~

**الخجـــولـــہ** · 09/06/08

*الاسم :
الخجوله

* الجامعة :
جامعة الكويت

* الكلية :
العلوم

* التخصص:
كمبيوتر

* كيف تم اختيار تخصصك ؟؟
لو تعرفون شلون ... اول شي كنت بحول هندسه عشان هندسة الكمبيوتر بس محد يمدحه .. وبالاضافه الا ذالك انه ماكان عندي معدل عشان احول .. وبعد تفكير طويل والبحث في جميع تخصصات الجامعه ما لقيت شي يمشي مع ميولي غير هذا التخصص .. قلت آخذ مقرر برمجه 126 اذا عجبني كملت واذا ماعجبني حولت تكنلوجيا .. لكن الحمدالله وايد عجبتني الماده والتخصص بعد ..

* ما الذي استفدته من تخصصك ؟؟
مثل ما قالت مس كويت التفكير المنطقي .. واحسه يطور تفكيري ^_^

* ما العيوب التي تراها في التخصص الذي تدرسه ؟؟
انه المواد داخل التخصص اعتقد تكون مختلطه وانا ضد الاختلاط

* ماطموحك مستقبلا ؟؟
اني اتخرج واكمل دكتورا

* ما الاشياء التي تنقص الكلية التي تدرس فيها ؟؟؟
الكفتيريا حدها اي شي وضغط على المسافط

* كلمة أخيرة ..؟؟؟
الله يوفق الجميع

ومشكوره حبوبه على الفكره

وزين عرفنا انج بنت كليتي

او بالاصح انا بنت كليتج ^_^

.

**البدر** · 09/06/08

الله يوفق الجميع

حسافه ماني جامعي ولا لي طموح بالجامعه

وشدوا حيلكم

(:

طموحة مملوحة · 09/06/08

لوووووووووول

الخجولة .... أفا عليج بس ..... الحركات الحلوة ماتطلع الا من العلوم

اي والله كليتنا يبيلها أشياء وايد تتعدل ... للأسف محد معطينا ويه ... لا جمعية ولا اتحاد ..

شكرا لكم على الردود

**Om MsHaRY** · 09/06/08

ونااااااااااااسه كلكم من العلوووووووم

تواعدوا بالكليه وتعرفوا على بعض شناطريييييييييين

موفقين حبايبي

@@

**بسكوته** · 10/06/08

*الاسم :
بسكوته

* الجامعة :
جامعة الكويت

* الكلية :
العلوم
ابي احول تربيــه

و طبعا معاهم باللي قالوه

الله يوفق الجميع

ما شاء الله كلنا علوم

طموحة مملوحة · 10/06/08

لووووووول أحلا كلية العلوم والله ... والي يتخرجون منها خوش ناس والله:P صج ظالمينا بالكادر وبعض الأشياء ... اي بعض وايد بس الأهم أن العلوم أحلا كلية الحمدلله ماحولت

حياكم الله بيننا يسعدني تعرفت على وايد من بنات كليتي .. وينكم خو خل نتعرف على بعض أكثر ... أنا أطول وحدة بالكلية :P

bnota cuta · 16/02/09

*الاسم : BNOTA CUTA

* الجامعة :
جامعة الكويت

* الكلية :
الحقوق

* كيف تم اختيار تخصصك ؟؟
أنا اول شي كنت بدش هندسة و كان بالثنوية تخصصي علمي و أموووت عالهندسة و كل دراستي بالثنوية عشان ادشها و يبت معدل عالي و آخر شي يقولون في ضغط و ما قبلوني و دشيت حقوق و الحمدالله للحين ماشية فيها و عاجبتني شنسوي بعد قضاء و قدر

* ما الذي استفدته من تخصصك ؟؟
والله انا توني أول سنة بس للحين واايد أشياء استفدت منها بحياتنا و انشالله اتخرج و اصير محامية

* ما العيوب التي تراها في التخصص الذي تدرسه ؟؟
ان نظام الدراسة بالحقوق نظام سنوي و مو نظام كورسات نفس باجي الكليات

* ماطموحك مستقبلا ؟؟
اني اتخرج و اصير محامية

* ما الاشياء التي تنقص الكلية التي تدرس فيها ؟؟؟
ممممممم صراحة ولا شي للحين

* كلمة أخيرة ..؟؟؟
الله يوفق الجميع واللي لاحظته الكل بكلية العلوم ماكو أحد وياي حقوق ليش

و ثااانكس على الموضوع الحلو

طموحة مملوحة · 17/02/09

تشرفنا بمعرفتج حبيبتي ... ويالله يا محاميتنا خل اذبح لي جم شخصة وشخصة باطين جبي ودافعي عني اوكي

bnota cuta · 18/02/09

e-shrf Lii 7bibTi 6mo7a

O wla yhmch mn 3yooni 2d5lch e-sjn ;p

wtha tbin 2na 2thb7hom bdalch ;Pp

baby p!nk · 09/01/10

*الاسم : baby p!nk

* الجامعة : kuwait university

* الكلية : arts

* التخصص: english

* كيف تم اختيار تخصصك ؟؟
أحب الإنجلش ، وعشان طموحي ..
* ما الذي استفدته من تخصصك ؟؟
التفتح لأبواب عالم آخر ..
* ما العيوب التي تراها في التخصص الذي تدرسه ؟؟
لا عيوب فيه ..
* ماطموحك مستقبلا ؟؟
إن شالله أشتغل مترجمة لخطابات اليونايتد نيشنز. >> طموح طويــل ..
* ما الاشياء التي تنقص الكلية التي تدرس فيها ؟؟؟
أممم ، الديكور
* كلمة أخيرة ..؟؟؟
أتمنى لي و للجميع التوفيق .. و ..باي

**ابتسامة** · 09/01/10

طيــــــــب لازم الجامعه .. محنا كلية التربية الاساسية مثلكم .. مافي فــرق فقط المسمى ,, بـــل أحيانا نكــون بصريــح العبارة أفضـــل من الجامعه في بعض الامور .

على العموم موضوعك جدا جميـــل كان بودي اشارك بس للاسف لست بجامعية .. وأحمــد الله على ذلكـ .

شكرا جزيلا

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض	تقييم هذا الموضوع
النمط الخطي الانتقال إلى النمط المختلط الانتقال إلى النمط الموضوعي	تقييم هذا الموضوع: