شكر وعرفان ^_^

miss_79a · #1 13/05/08

أحب اشكر جميع الذين حضروا الندوة النسائية الرابعة للدكتور وليد الطبطبائي فقد كان حضور طيب جدا مشكووورين وما قصرتو

وللي ما حضر فقد كانت الندوة بعنوان "خيطان والتركيبة السكانية" وقد تحدث الطبطبائي عن سلبيات العمالة المستوردة ليس كلهم بل الذين يستقدمون لأعمال غير مفيدة أو ربما تكون مضرة مثل استقدام الأسيويات للعمل في صالات البلياردو وكذلك العمالة المشردين الذين لا يملكون وظائف وقد صنع بعض الأرباب وتجار الاقامات من هؤلاء العمال مجرمين إذ لا يستلموا أجورهم فلا يملكون سوى السرقات والتنفيس عن حالتهم بالإجرام كالاغتصاب فنلاحظ الآن إن عدد الأجانب يفوق عدد الكويتيين وأكثر من يعاني من هذه المشكلة هي منطقة خيطان فهي فاقدة الهوية ليست بسكنية ولا باستثمارية لقد خصص مبلغ لتطوير خيطان الجديدة وكذلك يجب تكوين لجنة لمتابعة التركيبة السكانية في خيطان

وقد تحدث النائب السابق مبارك الدويلة عن خيطان فهي برأيه هي فوضى بالخدمات واللوائح والقوانين وقد شاد بمحاولة النواب السابقين لتحسين خيطان ويرى انه من الأفضل وضع الدوائر الحالي حيث أصبح هنالك عشرة نواب لخدمة خيطان ومحاولة حل مشكلتها

وحبيت اذكركم بندوتنا الختامية "الطبطبائي وقضايا المرأة" يوم الاربعاء بالسرة بعد صلاة المغرب في مدرسة حمود البرغش

اللي عندها اي سؤال أو استفسار احنا مستعدين نوصله شخصيا للطبطبائي

يسعدنا تواصلكم

**Khaled** · 13/05/08

الله يوفقه يارب ومشكوره على الدعوه ولو انها للنساء

miss_79a · 13/05/08

عظم الله اجرك يا كويت ....
ان العين لتدمع وان القلب ليحزن وانا عليك يا سعد لمحزونون نعتذر عن لقاء غدا د. وليد الطبطبائي

طموحة مملوحة · 13/05/08

مجرد حجي وكلام فاضي .... يلعبون بعقول الناس فيه ....

يليت تكون الكويت بالفعل همهم الأكبر

ولا واحد وولا وحدة من المرشحين حسيت بنيتهم الصافية

شكرا على الموضوع

miss_79a · 15/05/08

مشكوره حبيبتي على مشاركتج بس لا تظلمينهم في منهم اللي قاعدين يحاولون والطبطبائي له انجازات كثيره كفايه انه واقف مع الشعب وقاعد يحارب الفساد انصحج تشوفين موقعه الرسمي وتطالعين انجازاته

طموحة مملوحة · 15/05/08

أعرفهم والله ... بس الي مثل الطبطبائي وغيره مع الأسف بهاجمون وايد ... همهم الأكبر يهاجمون الفئة الي تخالفهم ...

لو أن كل عضو يقدم وومايتدخل بغيره ... كان أفضل .. مثل ما يشوف نفسه انه يقدم لازم يحط بباله ان غيره بعد .... حتى لو اختلف معاه بالتوجه أو الفكر ..... هذا الي يهمني أكثر بالمجلس ... أن تختلف التوجهات والأفكار بس يكون الهم الأكبر الكويت .... الي الاحظه الحين .... تجمعات وأحزاب مو طبيعية كلن يبي المجلس ... حزب الوطني وحزب الشيعة وحزب السلف .... وحزب وحزب وحزب .... أول كانوا يسوون هالشي بالسر ... الحين علن جدام الناس ترى احنا طائفييين ترا احنا قبليييين .... الي يسوي هالشي تهمه الكويت ؟؟؟؟ بصراحة ... حتى لو كانت عنده انجازات ... خدم فئة وتناسى فئة أخرى ... بالأمانة أول يضحكون على سالفة حقوق المرأة وكلن يقول لا وخلوها بالبيت أحسن ... والحين يتكلمون كأنهم اهم بس الي يحسون بالمرأة ... وكذلك على سالفة البدون ... يتكلمون وايد ولمن ياخذون المجلس محد اييب طاريهم مع ان وايد بدون يستاهلون الجنسية قبل هالأعضاء الي قول بلا فعل ... سراق المال العام هل أخذوا جزاءهم ؟؟؟ فتحوا الموضوع وسووا بلبلة بليا فايدة .... بس المهم يكون اسمه موجود ترى يا جماعة أنا بيوم وقفت وتكلمت ...
شرايج بالي يتوسط ويطلع تجار المخدرات واسطات .... بالتالي هدد أمن الكويت وزاد انتشار الفساد فيها ...
والي يقول لج يتوسط لفلانة بنت فلان علشان يوظفها واهي ماتداوم وتاخذ معاشها كامل .... ماشاء الله يحقق الأحلام هالعضو ..

وين القسم ؟؟؟؟ وين احترام الدستور ومواده .... وين أيام بوعلي ؟؟؟؟ راحت ؟؟؟ يليتها تعود

فت فت · 16/05/08

عظم الله اجرك يا كويت

miss_79a · 16/05/08

هلا حبيبتي سوري مارديت عليج مبجر في اختلاف بين الدفاع عن حقوق المرأة المدنيه وحقوقها البرلمانيه صج ان الطبطبائي ضد حقوق المرأة السياسيه كمرشحه وليست ناخبه وهذي لمعتقداته بس اهو واقف مع حقوقها من البدايه اهو منشئ لجنة حقوق المرأه وهي اول لجنه تنشأ بالمجلس عربيا واول لجنه برلمانيه اعضاءها ليسو برلمانيين ومثل ما قلتلج حبيبتي تقدرين تمرين على موقعه وتشوفيين انجازاته كل من يقول محنا مصوتين محد يستاهل كلهم حراميه اصابعج مو سوى سوى صوتج امانة ولازم تختارين احسنهم وانفعهم للبلد ما يصير نخلي مجال لاصحاب النفوس الضعيفه اللي يشترون اصوات اليوم لانهم يدرون باجر بعوضونها من السرقات

**كويتيه ماتهاب** · 09/06/08

اي والله عظم الله اجرك ياكويت