احد قالـــك/ــــج كلمه وماعرفتو الرد...!!

Shadow · #1 08/03/08

السلام عليكم ورحمة الله وبركاته

أيضا ً أحب أن أشير أن من آداب الإسلام هو حسن الرد ..

قال تعالي (( وإذ َا حُيّيْتُم بِتَحِيّة ٍ فَحَيّوا بِأحْسَنِ مِنْهَا أَو رددوها إن الله كانَ على كُلِ شيْءٍ حَسِيبَا )). سورة النسـاء .

وهالموضوع نقلته لماكس لأنه بصراحه حلوو

ومفيد ومنها نذكركم بشي نسيتوه مع الوقت

لرد لكثيـر من المقولات كالتهنئة بالسلامة او الإشادة ..

مثلا ً كنت مريضة وبادر احدهم اليك بقول ( سلامات ) ..
فسيكون ردك بـ ( الله يسلمك ) ..

أو حياك الله .....الله يحييك
وممكن تقولين الله يحييك ويبقيك

ياهلا ومرحبا بك ...هلا بك زود...البقى والله

اذا سألك احدهم عن حالك بقول:
كيف الحـال ؟! فبدل ان يكون الرد عاديا كـ ( الحمدلله طيبة ) اضيفي اليـه بعض " المنكهات " ..

التي تعطي ردك قوة وجمالاً كقولـك : ( طيبـة بشوفتك – او – بخير يا مال الخيـر ) ..

وبعد طول غياب عن الاحبـة يأتي احد يفاجئك بقول :

( عاش من شافك )
سيكون ردك بـ ( عاشت ايامك ).

وتلاحظين بعد قدوم غالي إليك أن الجميع يهنئك بقول :

(قرة عينك ) أي سكنت دموعها بقدوم الغائب ,,
عندها يكون ردك ( قرّت عينك بوجه نبيك ) ..

وانتبهي عند سؤال احدٍ ما عن إسمك أو نسبك فتقوليـن له اسمك
فيقول مبادراً ( والنعم !) ..
عندها يكون ردك الفوري ( ما عليك زود - أو – الله ينعم بحالك ) .

وعند الضيافة ومع الضيوف هناك عادات يجب أن تراعيها فأول ما ستقوله لك المضيفه
,,( الساعـه المباركـــــه ) ..

تقولها فرحاً بقدومك إاليها ..
فيكون ردك ( بارك الله فيـك - أو – بارك الله بعمرك ) .

وبعد الأكل بادري بشكر المضيفه ,, بقول ,,
( اكرمكم الله – أو – خلف الله عليكم وكثر خيركم ) ..

سيكون الرد (صحه وعافيـه – أو – حياكم الله ) .

واذا تقابلتي مع أحد لأول مرة وقال لك ..
( فرصة سعيدة )
فبادري بالقول ( انا أسعد ) ..

واذا بادرك أحد بوصف شيء خاص بك بانـه ( حلو )

فسيكون ردكـ بـ ( حلت دنياك - الله يحلي أيامك – أو – كلك ذوق - أو -عيونك الحلوة ) .

اذا عدتي من العمره او الحج او من الصلاة وقال لك ,
( تقبل الله منك ) ..

فسيكون ردكـ بـ ( منا ومنكـ ) ..

نصيحه أخت

يمكن البعض يستهين بهذي الكلمات وما يدري شنو أثرها بالنفس
تعلمو تحسنون من ردكم ..موعيب إن الواحد مايعرف يمكن ما تعلم خلال نشأته طبيعه هالردود
إسأل دور خالط الناس الكبيره بالسن خذو من علومهم وكلامهم الطيب

يمكن اوجه كلامي أكثر للبنات..
لأن الشباب عندهم الديوانيات كل يوم يخالط له رجال ويتعلم

اما البنت لطبعها وخجلها يمكن ما تعرفها..تعلمي إسألي أهلج

ترى العيب إنا نكبر ولا نعرف نرد ولا نتعاطى الكلام مع غيرنا

واذا عندكم اضافات من عندكم ياليـت تقولونها ,,

baby · 08/03/08

حتى البنات يعرفون هالرمسه

الموضوع ينفع حق واحد ما شاف الدنيا

بس حلوووووووووووو
بطرشه حق ربيعتي عشات تتعلم الذووووق
يوم بترد علي
خخخ

يسلموووووووووو حبوبه
^_^

نووونا · 08/03/08

مشكوووووووره حياتي ..........

listen 2 heart · 09/03/08

واذا عندكم اضافات من عندكم ياليـت تقولونها ..

انا عندي

اذا وحده كبيره بالسن تكلمج وانتي ماتدرين شتقول وموفاهمه كلامها ..شتسوين
اشتغلي هز براسج ..ومالج الا ..صح ..وصاجه

وتمشي امورج

Shadow · 09/03/08

الله يسلمكم ويعافيكم ويخليكم

بيبي في ناس أكبر مني ومنج والله رد نفس الناس مايعرف يرد

مو قله ادب لامايعرف لكلامه وأصله تناساه مع الكبر

كرز ...هذي انتي لاتوهقتي ههههههههههههههههههههههههههههه

بس تنفع لاكان عندج عجايز معصبين عسى الله يخليهم لنا ويطول بأعمارهم

لاعدمنا هالطله الحلوه منكم

: )

أمير الرومانسيه · 13/03/08

تسلمين

اختي

ع الموضوع

والله يعطيج الف عافيه

وشاكرلج

ع هذا الموضوع

المفيد جدا

دمتي بحفظ الرحمن