..{my Personal Album}..

RAsHeD Al MaJeD



سلامات حبيبي مو على بعضك سلامات
سلامات أشوف الحزن في عيونك سلامات
بلقياك القلب يشفي غليله وأنا وياك مثل قيس و
ليلى روايات وياما ألفوا عنا روايات..

ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام!!

انت غير الناس عندي انت عندي شي كبير
كيف بصبر وأنا شايف ناس من حولك كثير
أنا أحبك وأقولها لك كلمة خليها في بالك
أنا ماني أي عاشق أنا لما اعشق أغير
والله لما أعشق أغير..

ياالله يا قلبي سرينا ضاقت الدنيا علينا!!

سافرت عنك وخافقي معك يا سيدي عندك أمانــه
ما طاع يا الغالي يودعك يرحل معي ويترك مكانه!!

بيني وبينك شي اكثرمن الأحلام
حقيقه حبي لك ماهو حكي واوهام
تسهر مع اشواقي تحت الرموش تنام
ومنك أقل كلمه تخفف الآلام
زاد الوله فيني قلبي في حبك هام
واللي يحب مثلي ماتغيره الأيام!!

أشعلت لك في القلب شمعة في عيد حبك وأنثر ورود
عالي قدر صيت (ن)وسمعة يفداك كل ما كان موجود!!



******
حسين الجسمي



احترت أعبر عن شعوري من غلاك
واحتارت ابيات(ن)في حقك قليلة
كيف الحكي يقدر يوصل مستواك
يا اللي غلاك الكون عيا يشيله!!

والله ما يسوى أعيش الدنيا دونك لا ولا تسوى حياتي بهالوجود
دامك انت اللي رحلت وكيف ابصبر عالبعاد وكيف بنثر هالورود..



يا سنين عمري كفايه حزن يا سنيني خلاص راح الذي يستاهل أحزانك
لمي جروحك وكفي الدمع يا عيني ردي لزهرة حياتي باقي الوانك!!

اليــا شكى قلبي مــن الـهم عــــذره
لانـك سقيته مـن كثـر همـك اشـكـال

نشـفت دمـــه ليــن خـلصت صـــــبره
يوم انكـشف مـاكان خافي من اهـوال

اتبـسط الـلـي صــار وتــقـول (عثــره)
ماهـو مثــل مـاقـلت (لا) قــول زلـزال

شـفـت الجبل ؟ صبري انا اقول كبره
شـوف الخيانه ساوت الضـلـع بالجـال

تـــقـدر تحـط ايديـك في نـار كـبــره ؟
تصـبر اذا حـطوا وسـط عيـنك خلال ؟

لا تــقـول انــك في فــعـايلـك مـكـره
هذا الـعذر مـشه علـى نـاس جهـال

في هــالمـسائـل اتـضـح انت خبــره
ماهو مثل ماقلت تمشي على الــفال

ان كان مـا ســويــتـهــا اليـــوم بـــكــره
يـعنـي مـسويها علـى كـل الاحـوال

لا تـقـول كـل واحــد يــــمشيه قـدره
وتضرب على حكم القدر بعض الامثال

بعـطيـك مــن قول البـراهـين فـكـره
واسمع صحيـح القول يوم المثل قال

كل نبتـت (ن) تطلع على حب بـذره
وإلا انـت لا مثـمر ولا تحـتك ضـــــلال!!




صدفه ومن بين كـل الناس علقـني
مـن يـوم شفته وعيني جت في عينه
حسيــت شي في عيونه حيل يجذبني
لـما ابـتسم بانـت بـوجهي تـلاوينه!!



ياعمري الدنيا ماتسوى تنام وخاطرك زعلان ولابه شي يستاهل يخلي قلبك يعاني
طلبتك ان كان لي خاطر تبعد عنك الأحزان وتبسم لو لحظة عشاني!!

عَوّضوك بْغيابي

عَوّضوك ْبغيابي لا تقول انّي َوحَشْتك
لا تجاملْ دخيلك في شعور يْعَنيني

بَسّ يكفي كفايه لا تمادى عَرَفْتك
خَاين الحب مَا له في فوادي حَنيني

إنت ياللي بعيني حِلْم عمري رسَمْتك
وكيف تجرح خفوق يعشقك من سنيني

أحسبه زاد حبّي في غيابي وْحسَبْتك
ما تجاهَلْ وِدَادٍ كان بينك وْبيني

كَم سَهَرت الليالي وكم ليله سَهَرْتك
وكم ليله خَيَالك نام في وسط عيني

وكم قل لي دخيلك كم ليل اْنتظَرتك
كم قل لي تِفَضّل، كم صَدّك يجيني

كنت تجري بْدَمّي لا نزَفْته نزَفْتك
كنت ساكن خيالي، داخلي مِحتويني

من كتَبْ الحروف الأبجديّه كتبتك
"لامَه" إن كان تبغي أوَّلْ الحرف "سيني"

الشاعر حامد زيد



السفينة

ضاقت وساع الفيافي والوعد متن السفينه
للطريق اللي دعاني بعد امان الله وامانه


لا تناديني وصوني قلبج الله لا يهينه
لا يراهن في رجوعي لأجل لا يخسر رهانه


ليه ما ارحل عن غرامج بعد ما ذقت الغبينه
اذكري لي شي واحد يستحق اقعد عشانه


قلب ما حن لوصالي ماني بحاجة حنينه
واشهد انه ما يعزر بالرفيع الا هوانه


الهوا الغدار حد الله ما بيني وبينه
والرجل لا خير فيه ان ما حفظ قدره وصانه


واحد مثلي ليما حدته عوجا سنينه
ما شكى لأقرب بن آدم لو هو اغلى من اخوانه


يوم قلبي ما عصاج وما قدرتي تذبحينه
ليه خنتي فيه وانتي معه من نفس الديانه


كان ذبحي بأيدج ارحم لي من اللي تفعلينه
وان طلبتج تذبحيني ما ذبحتيني لعانه


كل جرح من جروحي تذكرينه تنكرينه
كان مالج في نزيفه يد خانت بالامانه


ينزف الخافق تواضع لين لطختي جبينه
والا انا ما كنت ابيها تاصل لحد الاهانه


قلت من باب الميانه صاحبج وتعذبينه
لعن ابوج ارخي معاي شوي ما صار ميانه


طعت عقلج يوم قيل ان العقل بالبنت زينه
لكن الشرهه علي اللي كنت احسب انج تكانه


من بعد ما كنتي انتي في حشاي اغلى سجينه
بأوعدج ابطلق سراحج واتهمني بالإدانه


وين رايح ؟ لأي درب ما يرجع للمدينه
ليه رايح ؟ لأن قلبج ما ترك قلبي وشانه


كيف ابنسى ؟ ربي اللي ملهم القلب السكينه
مثل ما عانه بقربج لانوى فرقاج عانه


كان قاسي يجرح اطراف السكاكين السنينه
ما يطيح وبنت مثلج حبها هزت كيانه


والا انا خابر خفوقي ما يمد الا الثمينه
وان بغى يغيض الثريه قعد القمره وزانه


مزعل لأجلج هنوفاً رجت عقول رزينه
وان تهادت بالطريق الجرهدي تزهر جنانه


جادلاً كن الجمال قبالها كتف يدينه
والقمر لو شاورت له ينزح وتقعد مكانه


كانت اول من تحكم في فروع الياسمينه
وان تعدتهن تفنن خيزرانه .. خيزرانه


بعتها لأجلج وصارت لأصغر اطرافج رهينه
والا هي لفتت هدبها تغمرج ثقل ورزانه


والخفوق اللي تغذى من معزة والدينه
مشكلته انه تعلق في زمن ما هو بزمانه


كل ما زادت جراحه واكتشف غلطة ظنينه
صدقيه ان قال ما به شخص يستاهل حنانه

يوم نادى يا فلانه ما رضيتي تسمعينه
لين صوت يا فلانه .. يا فلانه .. يا فلانه


كنت اشوفج زعفرانه تقرظ الورد وتدينه
يمكن اني ما قطفتج بس اشوفج زعفرانه

كنت اهاب البعد عنج واطلبج لا تذكرينه
كان خوفي من الفراق وخطوة الفرقا جبانه

ما اقتنعت ان الخيانه للرجل تلوي يمينه
لين ما ربي بعثج وذقت من طعم الخيانه

اسمحي لي ما بقى فيني مكان تطعنينه
واقبلي من جوف قلبي كل عطفه وامتنانه

والله الله في عذابج ابتركج عينج ابعينه
دلليه ولا يرده عن شقاج الا لسانه

والا انا قررت اسافر وامتطي ظهر السفينه
لأن ما به شي واحد يستحق اقعد عشانه

تعال الشوق دمَّرني حبيبي والصبر ذايب ..
حطبت الحُب من قوّة غيابك و إنكِسَر لي فاس !

تعال وقول يا ماخذ جميع أشيائي وش جايب ؟!
ترى ملّيييت من حبر القلم و معاند القرطاس !!

عيونك نامت بـ عيني وظنِّي للأسف / خايب !!
أظن ترجع وما ترجع أظن وما يجيني نعاس !

أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس !!

مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !

أنا عقلي على درب الجروح فـ غيبتك سايب ..!
أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!



محتاج أضمك وأترك الدمع ينساب
ويكتب على خدي بلاوي سنيني..
بالحيل ميت من زمن مابه أصحاب
والكل منهم بالمصايب يجيني..

*************

يا عيوني خاطبي دمعة عيونـه
جاوبيها خففـي ثـورة ظنونـه

حاولي تنسين نفسك لو دقيقـه
مايبي منك سوى نضره حنونـه


لاحظي الدمعات تحكي عن عذابه
لاحظيها كل مـا طبّـق جفونـه

ودّه يحكي ويتكلم عـن غرامـه
ومن حيا يخاف تعبيـره يخونـه



انا ماهزني غيرك حبيبي بالبشر انسان
ولاحبيت ابد قبلك ولا افكر احب ثاني

دخيل الليل والقمر او النجم في سمانا ظال
ودخيل الحب وعيونك ودمعا غرق اوجاني

ابي حبك يزلزلني يفجر داخلي بركان
ابيه يطهر جروحي يمحي باقي احزاني

ابيك تكثر الرهبه وقلبي ممتلي ايمان
وابيك تشد من عزمي اذا همي تلقاني

وين انت يا ملهم قصيدي اناديك
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب!!




بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي!!



الحب من ربي يجي ماله اسباب
وانت الله اللي يعلم اشكثر غالي
تعبت ادوّر صاحب(ن)غير الاصحاب
مثالي بحبه...وقلبه مثالي
ايلين شفتك يابعد كل الاقراب
كامل ولله البقا والكمالي
طيب بقلبك والطبع حيل جذّاب!!



جيت بقصيدي بفتح أبواب وأبواب
وبعاتب اللـي بالمشاعـر مايابـه
اللي حضوره غير وغيابه غيـاب
غير مفاهيم الوصل فـي غيابـه!!

PiNkY GiRL



أكذب عليك إن قلت لك أقدر أنساك
وأكذب على روحي ليا قلت أبنهيك
علم يجيك وياصلك ويتعداك
أنك سكنت القلب مافيه تشكيك
وإنك خذيت العقل والروح وياك
وأقفيت بي ياجعل ربي يجازيك
منهو يسوي بالمحبه سواياك
مير المصيبه قلبي اليوم باقيك
لاقلت له بنسى يقول أنت وشجاك
ضيعت عقلك وإختلف كل مافيك
وشلون تنسى اللي حشى ماتناساك
شخصن يموت ولا يفكر يخليك
في ذمتي أنه يحبك ويهواك
يبيع كل الناس لجلك ويشريك



ياحظ منهو جالس الحين وياك
وعينه تناظر ياحبيبي عيونك


يــــمتٌـع عيونه مشاهد حلاياك
ويكحل عيونه بشوفت جفونك



قـلــي بــربــك يابعد..عمر..مـغـلـيـك
وشلـون خنـت اللـي مـحـرم يخـونـك

وشلون هانت رجوتي يوم انا ارجيك
وشلـون هانـت دمعتـي فــي عيـونـك

وشلون بعت اللـي بهالنـاس شاريـك
قـلـي عـلامـك بـعـت نـــاسٍ يـبـونـك

قلـي بـربـك دامـنـي بـصـدق هـاويـك
وشلـون بحـيـا بـاقـي العـمـر دونــك

قـلـي بـربـك حـالـي الـيـوم يرضـيـك
طايـح جريـحٍ مــن سبـايـب طعـونـك