مصطلحات مهمه للبدو...!!

Shadow · #1 10/01/08

السلام عليكم

موضوع مهم حتى ما تنحرجون عند ناس

وتعرفون تردون رد طيب على قولهم ولا فعلهم

يقال أن ( شخص ) كان رايح لعزيمة عشاء عند احد اعمامه وكان المجلس متواجد فيه كبار العائله ....
وجلس ( الشخص ) يتناقش مع عمه في موضوع بصوت مسموع ...
وكان من ضمن الكلام ان ( الشخص ) تطرق لرجل ما وقال عنه : والله ياعم هالرجال ما ينفع (( رخمه )) ولايهون الجميع ....
وفطسو عليه من الضحك ... وتفشل

وما قدر ينسى هالموقف ..... خاصة ان فيه مصطلحات كثيره بين الرجاجيل الواحد يتوهق ما يدري شنو الرد
علشان جذي الواحد يأخذ احتياطاته

.
من هذه المصطلحات :

شرواك ... الرد المناسب هو : شرواك الطيب .

لا هنت ... فيقال : الله لا يهينك ... وتختصر لا هنت . والعادة ان لا يجاب عليها .

كيف الاحوال ؟ ... فيقال : سهود ومهود = يعني ركود ما تغير شي .

إذا واحد ماشي من جنب ناس يأكلون أو داخل عليهم وهم ياكلون
تقول : هنهم ... ردها " وأنت منهم "

وعندما تمر من بين مجموعة ناس وإضطريت أنك تمر من بينهم تقول :
ما يفرقكم عدو عادة عند عسير

اكرمكم الله تقال عندما تغادر المجلس .
وانعم الله عليكم او كثر الله خيركم عندما تقوم من وجبة الغداء او العشاء .

إذا قال لك واحد : وش العلوم أو أخبار علوم ... قل : ستر الله يدوم .

‘ذا قال لك واحد : لا تعبت ..... قل له : لا ندمت .

إذا قال لك شخص ( ونعم ) تقول له ( ونعم بحالك أو ما عليك زود )

إذا قال لك واحد : فنجالك عندنا ..قل له : وأنا أقول مضيعة من زمان أثاريه عندكم

أمير الرومانسيه · 11/01/08

الف شكر لج

اختي الكريمه

ع الموضوع استمتعت بمروري

في موضوعج الرائعـ .. والمفـيد جـدا

شاكرلج ع الابداع

ولج الشكر كله ع مجهودج الطيب

والله يعطيج الف عافيه

دمتي بحفظ الرحمن