يذكرني للمنشد سمير البشيري

el3thb · #1 25/12/07

السلام عليكم

شلونكم

ما ابي اطول عليكم بس بقولكم شغله صارتلي امس

كان ضايق خلقي لأخر درجه وكنت قاعد اسمع محمد عبدو

عشان اطفي النار اللي بصدري

وقلت احط على فواصل اسمعلي شعر غزل

لكن اغراني فيديو كليب لشاعر خالد العتيبي

وهو شاعر معروف ولكن ملتزم وقصايده شحيحه جدا بالغزل

وتغيرت الصوره وحطوها على المنشد وسمعت القصيده

وابكتني دم

هذي اهي بصوت المنشد سمير البشيري

وان شاء الله اذا لقيت الفيديو كليب احطه

الاستماع

[سجل معنا ليظهر الرابط. ]

[سجل معنا ليظهر الرابط. ]

الكلمات

...

يذكرني رحيلك مجلـس بـاق علـى حلـه
مداهيل الرجال اللـي تنومسنـا مواطيهـا
هنا سليت سيف يوفي الثارين مـن سلـه
هنا علقت رمح يطعـن الجـوزا ويطفيهـا
هنا بينـت مصحفـك الكريـم ودلنـا دلـه
معك نبدا مواعيـد الكـلام وننتهـي فيهـا
هنا ساقيت غصن من غلا كنا تحـت ظلـه
نسولف بالغنا يـا بايـع الدنيـا وشاريهـا
هنا كان الرجال جبال ما تقبل خنـا الزلـة
عمايمها سحـاب وابلـه باقـي مواظيهـا
رجال لو تشوف الماء غدر ما شربتـه لله
نبت عشب الرضا يا سيدي بأول مغازيهـا
هل التوحيد وكنوز العلوم ونصـرة الملـة
رجـال يضحـك التاريـخ لولهـا وتاليهـا
هنا ماضيك ورياض الخليل اللي رعى خلـه
شربنا عذبها مـدري لعبنـا فـي مغانيهـا
هنا تخنقني العبرة وانا اكتب يا رسـول الله
على قبرك نسيت الناس حاقدهـا وحانيهـا
وابو قبر يتيه من الفخـر بالبيـد وتجلـه
على حسد تبين مـن سمايمهـا وصاليهـا
ويهناك الوفا قبر يضمـك فـي ثـرا تلـه
ما دامه بين فردوس الجنان وبين منشيهـا
وانا لامن ذكرت فراقك اللي في يدي غلـه
نسيت ان الليالي شيبتنـي مـن بلاويهـا
على بعد الزمان اللي يعقد الحبـل ويحلـه
ليامني ذكرتك طاحـت الدمعـة وراعيهـا
سلام الله ما هز الصبـا نسرينـه و فلـه
على الطفل اليتيم اللي عطى الدنيا معانيهـا

اتمنى يعجبكم الموضوع

احترامي للجميع

(:

الملف الشخصي · 26/12/07

كلمات رائعهـ
جدا
احب هالانشودهـ

لاعدمنا هالانامل

لاتحرمنا من جديدكـ

listen 2 heart · 26/12/07

وعليكم السلام

انا سامعتها من قبل ورووووعه الصراحه
مشكور اخوي بدر وقواك الله

اميره الكويت · 05/01/08

كلمااااات جمييييييله جدااا

والله روعه

يسلمو بدرر ع الانشووده

((ملاحظة: عدلت الروابط كلهم استماع مافي بينهم تحميل لانك قلت واحد تحميل وواحد استماع لا بل واحد Ram والاخر Mp3 استمااع ))

اختكم

اميره

el3thb · 06/01/08

قواكم الله

على هالمرور

تقبلوا تقديري

البدر

(:

el3thb · 06/01/08

يعطيج العافيه اميره على هالتعديل

الله لا يهينج

(:

علي العيسائي · 16/01/08

يعطيك العافيه على المشاركة الجميله

el3thb · 03/02/08

مشكور اخوي

عساك ع القوه

(: